პრეზიდენტს გავრილოვისთვის ორდენი უნდა გადაეცა, მაგრამ ზურაბიშვილი იქ არ იყო- კობახიძე

09.10.2019 - მისი თქმით, ეს "რისკი" იმით "გაანეიტრალეს", რომ ზურაბიშვილს სთხოვეს ასამბლეის გახსნაში მონაწილეობა არ მიეღო

პარლამენტის ყოფილი თავმჯდომარე, ირაკლი კობახიძე აცხადებს, რომ მართლმადიდებლობის საერთაშორისო ასამბლეის ჩატარება არაერთ რისკთან იყო დაკავშირებული და მათი ნაწილი წარმატებით მოაგვარეს. ის ამბობს, რომ ასამბლეის სამდივნომ მათ შესთავაზა საქართველოს პრეზიდენტს რუსი კომუნისტი დეპუტატი და ამ ასამბლეის პრეზიდენტი სერგეი გავრილოვი დაეჯილდოებინა.

მისი თქმით, ეს "რისკი" იმით "გაანეიტრალეს", რომ ზურაბიშვილს სთხოვეს ასამბლეის გახსნაში მონაწილეობა არ მიეღო.

"შემოგვთავაზეს გავრილოვის დაჯილდოება გარკვეული მედლით, ორდენით და ეს უნდა გაეკეთებინა საქართველოს პრეზიდენტს. დავინახეთ რისკი და აშკარად იყო ამ ყველაფერში რისკი. სწორედ ამ მიზეზით ჩვენ ვთხოვეთ პრეზიდენტს, რომ მონაწილეობა არ მიეღო ასამბლეის გახსნაში, რაც მთლიანად ანეიტრალებდა ამ პრობლემას. ეს იყო პირველი რისკი, რაც დაკავშირებული იყო სამდივნოს მიერ შემოთავაზებულ იდეებთან", — განაცხადა მან ტელეკომპანია იმედის ეთერში.

მისივე თქმით, რისკი იყო ისიც, რომ სამდივნოს სურდა ასამბლეის გახსნაზე ორი ქვეყნის, რუსეთისა და საქართველოა პატრიარქების მიმართვები წარედგინათ.

"მასპინძელ ქვეყანასთან ერთად მხოლოდ ერთი ქვეყნის პარიარქის მიმართვა უნდა ყოფილიყო წარდგენილი. შესბამისად, ჩვენ თვითონ ვიზრუნეთ იმისათვის, რომ რამდენიმე მართლმადიდებელი ეკლესიის პატრიარქის სიტყვები მოგვეპოვებინა და წარგვედგინა ასამბლეაზე", — განაცხადა მან.

კობახიძის თქმით, ეს რისკები პირველ დღეს, 19 სექტემბერსვე გაანეიტრალეს და "მიუხედავად იმისა, რომ წინასწარ ჰქონდათ [ოპოზიციას] გეგმები დამუშავებული, ვერ მოახერხეს ვერაფრის დაპირისპირება". ის ამტკიცებს, რომ ოპოზიციას არეულობა წინასწარ ჰქონდა დაგეგმილი და ამის არგუმენტად ასახელებს ტრანსპარანტებს, რომელიც აქციის მონაწილეებმა მალევე მიიტანეს პარლამენტთან.

გარდა ამისა, კობახიძე ფიქრობს, რომ საზოგადოებამ ძალიან დიდი მნიშვნელობა მიანიჭა სპიკერის სკამს, რომელშიც გავრილოვი იჯდა. მისი თქმით, ეს ერთ-ერთი პირველი და ბოლო შემთხვევაა საქართველოს და მსოფლიოს ისტორიაში, როდესაც სპიკერის სკამი საკრალურ ნივთად იქცა.


30.05.2020

"2008 წელს არცერთი თეთრი არ დაუხარჯავს მაშინდელ ხელისუფლებას"- კობახიძე

"2008 წელს არცერთი თეთრი არ დაუხარჯავს მაშინდელ ხელისუფლებას"- კობახიძე

წაიკითხე სრულად »


30.05.2020

ოპოზიცია იმდენ ქვას ისვრის, რომ შეეგროვებინათ, რაღაცის ასაშენებლად ეყოფოდათ- თალაკვაძე

ოპოზიცია იმდენ ქვას ისვრის, რომ შეეგროვებინათ, რაღაცის ასაშენებლად ეყოფოდათ- თალაკვაძე

წაიკითხე სრულად »


30.05.2020

ივანიშვილის სპეცოპერაცია აბასთუმანში, ოლიგარქმა პარაბოლას მთაზე ოქროს საბადოს მიაგნო

ივანიშვილის სპეცოპერაცია აბასთუმანში, ოლიგარქმა პარაბოლას მთაზე ოქროს საბადოს მიაგნო

წაიკითხე სრულად »


30.05.2020

შიმშილის ხმები - გაჭირვებული ადამიანები, როგორც არჩევნებში გამარჯვების გზა

შიმშილის ხმები - გაჭირვებული ადამიანები, როგორც არჩევნებში გამარჯვების გზა

წაიკითხე სრულად »


30.05.2020

ოზურგეთში უბედური შემთხვევის შედეგად 6 წლის ბავშვი დაიღუპა

ოზურგეთში უბედური შემთხვევის შედეგად 6 წლის ბავშვი დაიღუპა

წაიკითხე სრულად »


30.05.2020

"ჩვენ ბავშვზე ვზრუნავთ ჩანასახვიდანვე"- დიმიტრი ხუნდაძე

"ჩვენ ბავშვზე ვზრუნავთ ჩანასახვიდანვე"- დიმიტრი ხუნდაძე

წაიკითხე სრულად »