ქურდობა მამათში-სიძე-პატარძალი ქორწილის ღამეს საწოლის გარეშე დარჩა

15.02.2019 - შემთხვევა გურიაში

როგორც "გურიის მოამბისთვის" ხდება ცნობილი, ქურდობა მოხდა ლანჩხუთის მუნიციპალიტეტის სოფელ მამათში. ქორწილის დღეს მასპინძელი ოჯახი ისე გაქურდეს, რომ რესტორნიდან უკან დაბრუნებულ სიძე -პატარძალს არც საწოლი დახვდათ და არც ქვეშაგები. 

შემთხვევა გასულ კვირას მოხდა.

მამათელმა ახალგაზრდა კაცმა ცოლად ძიმითელი ქალი ითხოვა და ფაქტობრივად ორი სოფელი ლანჩხუთში, ერთ-ერთ რესტორანში ქეიფობდა. 

ლხინის სუფრიდან უკან დაბრუნებულებს სიძის ოჯახი ისე დახვდათ გაქურდული, რომ სახლში ვეღარც ჩანგალი იპოვეს, ვერც ალუმინის თასები და ვერც საწოლი. 

მომხდარის შესახებ "გურიის მოამბეს" ერთ-ერთმა ადგილობრივმა უთხრა: "მე სიძის მეზობლად ვცხოვრობ. ქორწილი რომ დამთავრდა, ქვაბებით წამოვიღეთ რესტორნიდან საჭმელები, როგორც ხდება ხოლმე.  დატრიალდა ოჯახი სუფრის სახლში გასაწყობად და სადაა ან ჩანგალი, ან თეფში, არ რამე. სიძე-პატარძლის საწოლი და ქვეშაგებიც კი მოპარული იყო.   დაცარიელებული დაგხვდა სახლი.  სიძე იძახდა,-სად დავწვე ახლა მეო?! მეზობლებმა დავტრიალდით მერე, ზოგმა საბანი მოვუტანეთ, ზოგმა ლეიბი და თეფში"-გვიყვება მეზობელი

შსს-ს პრესსამსახურის ცნობით, მიღებული შეტყობინების საფუძველზე გამოძიება 177-ე მუხლით მიმდინარეობს, რაც ქურდობას გულისხმობს. 

ასევე უწყების ცნობით, ოჯახის მიერ პოლიციაში ზარი მას შემდეგ შევიდა, რაც სახლში დაბრუნებულებს ყველაფერი არეული დახვდათ. პოლიციის თანამშრომლების მიერ ჩატარებული ოპერატიული საგამოძიებო ღონისძიებების შედეგად დადგინდა, რომ აღნიშნულ სახლსა და დამხმარე შენობაში მოპარული არაფერი არ არის, სახლის მეპატრონემ პოლიციას განუცხადა რომ მისი საცხოვრებელი სახლიდან არც ძვირფასი და არც უმნიშვნელო ნივთი დაკარგული არ არის, რაზედაც შედგა შესაბამისი ოქმი-გვპასუხობენ პრესცენტრში. 


22.08.2019

"დიდი და ცუდი ამბავი დატრიალდება ჩვენს სამშობლოში, მითქვამს მე"

”ფარჩაკულ ”, ყოფას საკუთარ ქვეყანაში ყველაფერი მირჩევნია!

წაიკითხე სრულად »


22.08.2019

საოკუპაციო ხაზზე ჩავდივარ, როცა მე ვთვლი, რომ უნდა ჩავიდე- პრეზიდენტი

"მისი თქმით, საქართველომ უნდა გააგრძელოს გზა ევროპისკენ"

წაიკითხე სრულად »